XLI спартакіяда рэспубліканскага унітарнага прадпрыемства "Праектны інстытут Белгіпразем"

17 - 19 чэрвеня 2022 года ў г. Горкі на базе Установы адукацыі "Беларуская дзяржаўная ордэнаў Кастрычніцкай Рэвалюцыі і Працоўнага Чырвонага Сцяга сельскагаспадарчая акадэмія" адбылася XLI спартакіяда рэспубліканскага унітарнага прадпрыемства "Праектны інстытут Белгіпразем". Ва ўрачыстым адкрыцці спартакіяды прынялі ўдзел Намеснік Старшыні Дзяржаўнага камітэта па маёмасці Рэспублікі Беларусь Бабёр Мікалай Паўлавіч, генеральны дырэктар УП "Праектны інстытут Белгіпразем" Шалыпін Уладзімір Вячаслававіч, дырэктара даччыных прадпрыемстваў. Спартсмены, як заўсёды выяўлялі наймацнейшых у шэрагу спаборніцкіх дысцыплін: валейбол, шашкі, шахматы, дартс, настольны тэніс, лёгкая атлетыка, бадмінтон, а таксама ў прафесійных дысцыплінах для кожнага землеўпарадчыка, такіх, як арыентаванне на мясцовасці, праца са спадарожнікавым абсталяваннем , вызначэнне адлегласці крокамерным спосабам, веданне заканадаўства аб ахове і выкарыстанні зямель. Па выніках спартакіяды каманда УП "Праектны інстытут Віцебскегіпразем" заняла чацвёртае агульнакаманднае месца.